حاسه انى بجد عمرى ما هحب ولا هتحب مبدأيا انا تخينه ادينى بعترف بالكلمه دى قدامكو وقام نفسى مع انى بكره اقول الكلمه دى او اسمعها مع انى للاسف بسمعها كتير ومحدش من الى بيقولها بيحس انها قد ايه بتدمرنى من جوايا ممكن اكون مش لاقيه الحب عشان تخينه وممكن يكون لسه النصيب مجاش بس انا هقول حاجات لاول مره اصارح بيها لحد احنا الحمد لله اسرتنا كويسه ومتفهمه ومستوانا حلو واهلى بيحبونى بس الى بيخنقنى انى البنت الوسطانيه يعنى بحس انى شئ ملوش لازمه لان اختى الكبيره هى المفضله عند ماما والصغيره هى المفضله عند بابا وانا؟؟؟ كنت المفضله عند تيته الله يرحمها بجد كانت اكتر واحده بحبها فى الدنيا بس توفت بقاله 4 سنين وداخله على 5 ربنا يرحمها يارب بجد بعدها نفسيتى مبقتش زى الاول انا اه الحمد لله ليا اصحاب بيحبونى بس ليا اصحاب كتير جرحونى وخانونى ودى حاجه وجعانى اوى اوى من جوايا احساس بشع لما تحس انك مش فارق مع الى حواليك انا متهيألى انا لو موت محدش هيزعل عليا غير قليلا مع انى والله والله كويسه مع كل الى حواليا وعمرى ما بدايق حد فيهم دا حتى صاحبى النتيم الى كنت متخيله اننا هنفضل طول عمرنا اصحاب سافر من يشتغل بره من غير ما يفكر يرفع عليا سماعه يقولى فيها انا مسافر حتى ده طلعت مش فارقه معاه مع انه كان محسسنى انى عنده بالدنيا دا غير قريبى الى انا كنت عنده اخته الانتيم وكان مرتبط بواحده اعرفها واصحاب جدا واول ما قطع معاها قطع معايا انا كمان معرفش ليه مش بقولوكو مش فارقه مع حد دا حتى الانسان الوحيد الى قالى انا معجب بيكى وعايز اخطبك بس انا قفلت الموضوع نسبيا لانى لازم افكر واكون بحبه معداش شهر ولقيته بيكلمنى ويقولى انه هيخطب انا اه مش عيزاه بس برده احساس وحش انى طلعت مش فارقه معاه خاصتا انه خلال الشهر ده كان ارتبط بواحده تانيه غير الى هيخطبها يعنى فعلا انا مش فارقه معاه مش فارقه معاه يا جماعه هو انا ذنبى انى تخينه؟ ذنبى انى جيت البنت الوسطانيه؟ ذنبى ان اقرب انسنه ليا فى الدنيا تموت وتسيبنى؟ ذنبى ان اكتر ناس كنت بعتبرهم اصحابى يسيبونى ويضربونى فى دهرى؟ والله انا شخصيتى كويسه وعمرى ما بحب اقل زوقى مع حد وجدعه مع اى حد يطلب منى حاجه بشهادة اصحابى الى معايا بس بجد انا نفسى اعرف انا ليه مش فارقه مع الى حواليا بالشكل ده؟؟؟؟