السلام عليكم انا متجوزه من سنتين ونصف تقريبا بحب جوزى لدرجه الجنون وربنا كرمنا بطفل عنده 6 شهور وطول فتره حملى كان منعنا الدكتور من بعض وتقريبا جوزى اتعود على بعدى مبقاش عاوزنى وحاولت كتير مره باللبس ومره بالكلام ودايما يقلى ضغط شغل والاغرب من كده مبقاش طيقنى فى البيت يعنى تقريبا مبنتقبلش ولو اتقابلنا بيتخانق على اى سبب ودايما بقيت فى نظره ست نكديه مع انى بحاول بكل الطرق ارضيه ودايما البسله داخل وخارج البيت ومبيفرقش معاه شئ واوقات جربت اتجاهل كل شئ برده منفعش وواجهته واوقات طلبته منفعش اسلوبه غريب وانا مش قادره استحمل حتى الفاظه بقت فظيعه وكتير اقله عندنا ولد بلاش ينشا على الاسلوب ده يقلى لمه يكبر تفرج ودايما عاوز يتخانق حتى مع الناس الى بره وشايف كل الناس غير طبيعيين على فكره مبيصليش وحاولت معاه كتير منفعش وكلمت اقرب الناس ليه مفيش استجابه رغم انه كان ايام خطوبتنا مكنش بيسيب ركعه وكان هادى وكنت عنده الدنيا كلها لدرجه انه كان بيوعدنى انى هكون اسعد زوجه فى الدنيا وان الناس هتحسدنا على حبنا دلوقتى شايف كا كلامى تهديد واسلوبى مش عاجبه وان قلت الكلام معايا افضل انا مش عاوزه ابنى ينشا على المشاكل تفتكرو اطلب منه الانفصال على فكره من يومين طلبته قلى سيبى الواد وروحى واا نقطه ضعفى ابنى قلتله انا مش فارقه معاك يعنى انت عايش معايا علشان ابنك قلى مين قال كده مفكرش يقلى كلمه حب واحده ورغم كل ده بحبه قوى بس مش قادره استحمل انا عندى الانفصال افضل ايه رايكم دلونى بالله عليكم انا محتاره جدا